Մասնագետները ներկայացրել են 12 տարածված մթերք, որոնք բարձրացնում են քաղցկեղի զարգացման հավանականությունը

Քաղցկեղը ներկայում ամենատարածված ու վտանգավոր հիվանդություններից մեկն է, որի հետևանքով տարեկան տասնյակ հազարավոր մարդ է մահանում։ Սա այն հիվանդություններից է, որոնց կանխարգելումն ու բուժումը զարգացման վաղ փուլերում շատ ավելի հեշտ է, քան հետագայում դրա պատճառով առաջացած մի շարք լուրջ բարդությունների դեմ պայքարելը, ուստի հարկավոր է անել հնարավոր ամեն բան խնդրի զարգացումից խուսափելու համար։

Քաղցկեղով հիվանդների թիվն աշխարհում օր օրի ավելանում է, մինչդեռ այս վտանգավոր հիվանդության զարգացման բոլոր մեխանիզմները գիտնականներին դեռ լիովին հայտնի չեն։ Ոմանք այս հիվանդության զարգացումը կապում են էկոլոգիական վատ պայմանների հետ, ոմանք՝ առօրյա կյանքի անբարենպաստ ազդեցության հետ, իսկ ոմանք էլ վստահ են, որ այս վտանգավոր ախտաբանության զարգացման հարցում զգալի դեր է խաղում մարդու ամենօրյա սննդակարգն ու նախասիրությունները։ Մասնագետները պնդում են, որ սննդամթերքի որոշակի տեսակների գործածությունը կարող է պաշտպանել քաղցկեղի զարգացումից, մինչդեռ կան նաև այնպիսինները, որոնք հակառակ ազդեցութունն են ունենում՝ բարձրացնելով այս վտանգավոր հիվանդության զարգացման հավանականությունը, ուստի նման խնդրից խուսափելու համար հարկավոր է առաջին հերթին խուսափել նման մթերքից ու առհասարակ բացառել այն սննդակարգից։

Փորձագետները ներկայացրել են 12 տարածված մթերք, որոնց գործածությունը կարող է նպաստել օրգանիզմում չարորակ ուռուցքների առաջացմանը։ Առողջության համար վտանգավոր սննդամթերքի տեսակների ցանկում են հայտնվել.

• պոպկորնը,
• մեծ քանակությամբ պեստիցիդներ պարունակող մրգերն ու բանջարեղենը,
• պահածայացված լոլիկը,
• երշիկեղենը,
• կարտոֆիլային չիպսերը,
• աղի, մարինացված ու ապխտած մթերքը,
• սպիտակ ալյուրը,
• Գենետիկորեն ձևափոխված մթերքը (ԳՁՕ, ԳՄՕ, գենետիկորեն մոդիֆիկացված օրգանիզմ),
• ռաֆինացված շաքարը,
• արհեստական քաղցրացուցիչները,
• ալկոհոլը,
• ոչ ալկոհոլային գազավորված ըմպելիքները։

Մասնագետների խոսքով՝ նման մթերքի հաճախակի գործածությունը կարող է շատ վտանգավոր լինել՝ զգալիորեն բարձրացնելով օնկոլոգիական հիվանդությունների զարգացման հավանականությունը, ուստի դրանք խորհուրդ է տրվում բացառել սննդակարգից կամ օգտագործել խիստ սահմանափակ։ Հարկ է հիշել, որ քաղցկեղը դասվում է այն հիվանդությունների շարքին, որոնց կանխարգելումն ու բուժումը վաղ փուլերում ավելի հեշտ է, քան դրա դեմ զարգացման ուշ փուլերում պայքարելը, քանի որ ժամանակին միջոցներ չձեռնարկելը հանգեցնում է հիվանդության հետագա տարածման ու այլ հյուսվածքների ախտահարման, ինչը զգալիորեն նվազեցնում է բարեհաջող բուժման հավանականությունը։

Նյութի աղբյուրը՝ med2.ru