Լավագույն բնական միջոցները գլխապտույտի դեմ պայքարի համար

Գլխապտույտը բավական լուրջ խնդիր է, որն ուղեկցվում է մի շարք տհաճ զգացողություններով և կարող է շատ վտանգավոր լինել։ Շատերը կարծում են, թե գլխապտույտը սովորաբար ի հայտ է գալիս կտրուկ և շատ դեպքերում չի ունենում որևէ պատճառ, մինչդեռ իրականում այս տհաճ խնդիրը կարող է պայմանավորված լինել բավական վտանգավոր հիվանդություններով, որոնց դեպքում հարկավոր է անհապաղ միջոցներ ձեռնարկել ու սկսել բուժումը։

Սա այն խանգարումներից է, որի հաճախակի կրկնության դեպքում հարկավոր է դիմել բժշկին ու պարզել խնդրի պատճառը, սակայն եթե գլխապտույտը հազվադեպ բնույթ է կրում կամ պայմանավորված չէ առողջական որևէ լուրջ խնդիրներով, ապա կարելի է նաև ինքնուրույն միջոցներ ձեռնարկել տհաճ զգացողություններից ազատվելու համար։

Ձեր ուշադրությանն ենք ներկայացնում լավագույն բնական միջոցները գլխապտույտի դեմ պայքարի համար։ Այս միջոցներն արդյունավետ են և օգնում են հեշտությամբ ազատվել տհաճ զգացողություններից՝ միաժամանակ չառաջացնելով կողմնակի բարդություններ։

Պատրինջ

Այս բույսն օժտված է հակաբորբոքային ու հակավիրուսային հակտություններով և կիրառվում է որպես բուսական դեղամիջոց մի շարք խանգարումների, այդ թվում՝ անհանգստության, ընկճախտի, զարկերակային գերճնշման, միգրենի, անքնության, նյարդային լարվածության ու գլխապտույտների դեպքում։ Պարզապես հարկավոր է մեկ թեյի գդալ չորացրած պատրինջին ավելացնել մի բաժակ ջուր, եռացնել 10-15 րոպե, այնուհետև քամել ու խմել թուրմն օրական մի քանի անգամ։ Բուժման կուրսը հարկավոր է շարունակել մի քանի շաբաթ։

Կոճապղպեղ

Կոճապղպեղն օգնում է բարելավել գլխուղեղի արյան շրջանառությունը, մեղմում է սրտխառնոցն ու ազատում է գլխապտույտից, որը հաճախ պայմանավորված է լինում առողջական այնպիսի խնդիրներով, ինչպիսին են ծովային հիվանդությունն ու միգրենը։ Պարզապես հարկավոր է մի կտոր կոճապղպեղ ծամել կամ պարբերաբար կոճապղպեղով թեյ խմել

Համեմի սերմեր

Գլխապտույտի դեմ պայքարի շատ արդյունավետ միջոց կարող է լինել նաև այս տարածված համեմունքը։ Պարզապես հարկավոր է մի թեյի գդալ սերմերին ավելացնել մի բաժակ ջուր, թողնել ամբողջ գիշեր, իսկ առավոյան քամել ու խմել ստացված թուրմը։ Այս պրոցեդուրան հարկավոր է կրկնել մի քանի օր շարունակ։

Հիլ

Հիլը նույնպես օժտված է հզոր բուժիչ հատկություններով, որոնց շնորհիվ շատ օգտակար է գլխապտույտի դեմ պայքարում։ Հարկավոր է երկու թեյի գդալ քունջութի յուղը մի փոքր տաքացնել, ավելացնե դրան կես թեյի գդալ աղացած դարչին ու կես թեյի գդալ աղացած հիլ, այնուհետև ստացված խառնուրդը քսել գլխամաշկին, զգուշորեն մերսել ու թողնել մի քանի ժամ։ Այս պրոցեդուրան հարկավոր է կրկնել շաբաթական մի քանի անգամ, իսկ ընդհանուր բուժման կուրսը տևում է մի ամիս։

Ռեհան

Ռեհանի յուրահատուկ բույրը գործում է որպես արոմաթերապևտիկ միջոց գլխապտույտի դեմ։ Պարզապես հարկավոր է ռեհանի 3-4 թերթիկին ավելացնել մի բաժակ կաթ, դնել կրակին ու եռացնել, այնուհետև խմել ստացված օգտակար ըմպելիքը քնելուց առաջ։ Անգամ այս յուրահատուկ ըմպելիքի բույրը կարող է շատ օգտակար լինել։ Բուժման կուրսը տևում է առնվազն մի քանի շաբաթ։

Նյութի աղբյուրը՝ The Health Site