Ինչպես նվազեցնել գլխուղեղի կաթվածի զարգացման հավանականությունը. խորհուրդներ մասնագետներից

Գլխուղեղի կաթվածը սրտանոթային համակարգի ամենավտանգավոր հիվանդություններից մեկն է, որը կարող է ախտորոշվել ինչպես տարեցների, այնպես էլ երիտասարդների մոտ։ Այս հիվանդությունը տարեկան հազարավոր մարդկանց կյանք է խլում, ուստի սրտանոթային համակարգի առողջությունը պահպանելը շատ կարևոր է։

Տարիքի հետ գլխուղեղի կաթվածի զարգացման հավանականությունը մեծանում է, սակայն կան շատ պարզ քայլեր, որոնք թույլ կտան պաշտպանվել այս հիվանդությունից ու կնվազեցնեն կաթվածի հավանականությունը։ Ձեր ուշադրությանն ենք ներկայացնում դրանցից մի քանիսը։

Վերահսկողության տակ պահել զարկերակային ճնշումը

Հարվարդի բժշկական դպրոցի մասնագետները նախազգուշացնում են, որ այն հասուն մարդիկ, որոնք հազվադեպ են ստուգում իրեն զարկերակային ճնշման ցուցանիշները, չորս անգամ հաճախ են բախվում գլխուղեղի կաթվածի խնդրին, քան արյան ճնշումը վերահսկողության տակ պահողները։ Սա է պատճառը, որ մասնագետները հորդորում են անուշադրության չմատնել զարկերակային ճնշումն ու պարբերեբար ստուգել դրա ցուցանիշները։ Զարկերակային ճնշումը մշտական վերահսկողության տակ պահելու համար առաջին հերթին հարկավոր է պարբերաբար չափել ճնշումը տոնոմետրի օգնությամբ։ Բացի այդ, հարկավոր է նաև կատարել անոթազարկի արագացմանը նպաստող վարժություններ, քանի որ դրանք օգնում են նվազեցնել զարկերակային ճնշումը երկար ժամանակով։ Շատ կարևոր է նաև սննդակարգին հետևելւը, ուստի հարկավոր է հնարավորինս սահմանափակել մեծ քանակությամբ ու հագեցած ճարպեր պարունակող մթերքի գործածությունը և հարստացնել սննդակարգը մեծ քանակությամբ մրգերով ու բանջարեղենով։

Վերահսկողության տակ պահել քաշը

Մասնագետների խոսքով՝ շատ կարևոր է նաև մարմնի զանգվածի ինդեքսը նորմայի սահմաններում պահելը (25 կամ ավելի ցածր), քանի որ ճարպակալումը զգալիորեն բարձրացնում է գլխուղեղի կաթվածի հավանականությունը։ Առողջ քաշի պահպանման ամենապարզ միջոցը սննդակարգին ու դրա ընդհանուր կալորիականությանը հետևելն է, ինչպես նաև ֆիզիկապես ակտիվ լինելը։ Հարկ է հիշել, որ օրական հարկավոր է առնվազն կես ժամ տրամադրել ֆիզիկական ակտիվությանն ու հետևել օրվա ընթացքում օգտագործվող կալորիաների քանակին, որը չպետք է գերազանցի 1500-2000 կկալը։

Սահմանափակել ալկոհոլը

Բրիտանացի գիտնականների խոսքով՝ ալկոհոլի չարաշահումը գլխուղեղի կաթվածի զարգացմանը նպաստող ամենատարածված ռիսկային գործոններից մեկն է, ուստի այս վտանգավոր ախտաբանությունից պաշտպանվելու համար հարկավոր է անպայման սահմանափակել ալկոհոլը։ Առողջությանը վնաս չհասցնելու համար մասնագետները խորհուրդ են տալիս չչարաշահել ալկոհոլն ու սահմանափակել այն օրական մի բաժակ (150 մլ) գինով։

Բացառել ծխախոտը

Հարվարդի բժշկական դպրոցի գիտնականները խորհուրդ են տալիս նաև հրաժարվել ծխախոտից, քանի որ այս վնասակար սովորությունն արագացնում է արյան մակարդուկների ձևավորման գործընթացը, ինչն էլ կարող է հանգեցնել գլխուղեղի կաթվածի զարգացման։ Մասնագետների խոսքով՝ ծխախոտից հրաժարվելը կենսակերպում արված ամենակարևոր փոփուխություններից մեկը կլինի, որը կարող է զգալիորեն բարելավել առողջական վիճակն ու նվազեցնել գլխուղեղի կաթվածի վտանգը, ուստի հարկավոր է անպայման ազատվել այս վատ սովորությունից։

Նյութի աղբյուրը՝ medikforum.ru