Հոգեբանը ներկայացրել է տագնապային գրոհի պատճառներն ու խնդրի դեմ պայքարի միջոցները

19:57 • 20.11.20

Ցանկացած մարդու մոտ էլ կարող են լինել տագնապի ու անհանգստության նոպաներ, որոնք ուղեկցվում են վախով ու ֆիզիոլոգիական այլ տհաճ դրսևորումներով։ Նման խնդրի պատճառներն իմանալը շատ կարևոր է, ուստի հոգեբան Պավել Ժավներովը ներկայացրել է՝ ինչ է տագնապային գրոհը, որ դեպքերում է նման խնդիր ի հայտ գալիս և որոնք են դրա դեմ պայքարի միջոցները։

Հոգեբանի խոսքով՝ տագնապային գրոհը սովորաբար զարգանում է անհանգստության բարձր մակարդակի ֆոնին։ Որպես կանոն այս խնդրին բախված մարդիկ նախկինում արդեն ունեցել են հոգեբանական խնդիրներ, որոնք ուղեկցվել են սաստիկ վախով։ Երբ այս խնդիրներին են միանում նաև առողջական որոշակի խնդիրները, քնի խանգարումները, գերհոգնածությունը կամ սթրեսը, գործարկվում է ֆիզիոլոգիական արձագանքների մի ամբողջ համալիր, որն էլ հանգեցնում է խուճապային գրոհի։

«Գլխուղեղը գործարկում է ադրենալինի արտադրությունը, բարձրանում է զարկերակային ճնշումը, ի հայտ է գալիս գլխապտույտ, լարվածության հետևանքով առաջանում են ձղաձգումներ և այլն։ Այս խնդրի ֆիզիկական դրսևորումները զգալու դեպքում մարդիկ, որպես կանոն, էլ ավելի մեծ վախ են ապրում, քանի որ ենթադրում են, որ կկորցնեն գիտակցությունը, ի հայտ կգա սրտամկանի հետ կապված խնդիրները, շնչահեղձ կլինեն կամ որևէ սարսափելի բան տեղի կունենա», - բացատրում է մասնագետը։

Ժավներովի խոսքով՝ խուճապային գրոհներից ազատվելու համար մարդը պետք է անպայման լուրջ աշխատանք տանի։ Օրինակ՝ գոյություն ունեն հատուկ ընկալման քարտեր, որոնք թույլ են տալիս մարդուն յուրացնել խուճապային գրոհի դրսևորումների մասին տեղեկությունը։ «Օրինակ՝ քարտերից մեկի վրա գրված է, որ մարդը չի կորցնի գիտակցությունը, քանի դեռ նրա տեսողությունը չի մթագնում։ Սա իմանալու դեպքում նա կարող է ավելի լավ կառավարել իրեն խուճապային գրոհի ժամանակ», - նշում է մասնագետը։

Նյութի աղբյուրը՝ med2.ru