Պարզ ու արդյունավետ բնական միջոցներ արթրիտի ախտանշանները մեղմելու համար

Ռևմատոիդ արթրիտը քրոնիկ բորբոքային աուտոիմունային հիվանդություն է, որն առաջին հերթին ախտահարում է հոդերը, սակայն կարող է ախտահարել նաև այլ օրգաններ, այդ թվում՝ սրտամկանը թոքերն ու աչքերը։ Հիվանդության զարգացման հստակ պատճառը հայտնի չէ, ուստի հիվանդության դեմ դեղամիջոց ևս դեռ գոյություն չունի, սակայն, բարեբախտաբար, կան մի շարք պարզ միջոցներ, որոնց գործությունը թույլ կտա հեշտությամբ մեղմել տհաճ զգացողությունները։

Ձեր ուշադրությանն ենք ներկայացնում ռևմատոիդ արթրիտի դեմ պայքարի ամենաարդյունավետ ու պարզ բնական միջոցները հիվանդության ախտանշանները մեղմելու համար։

Ընդունել վիտամին D

Վիտամին D-ի տեսակներից մեկը՝ վիտամին D3-ը, օժտված է հակաբորբոքային ազդեցությամբ, ինչի շնորհիվ նվազեցնում է բորբոքումների մակարդակն ու օգնում է պահպանել հոդերի առողջությունը։ Հետազոտությունները ցույց են տվել, որ այն կայունացնող ազդեցություն է ունենում Т-բջիջների վրա, որոնք դառնում են գերակտիվ աուտոիմունային հիվանդությունների դեպքում։

Ընդունել օմեգա-3 ճարպաթթուներ

Էյկոզապենտաենաթթուն և դոկոզահեքսաենաթթուն օմեգա-3 ճարպաթթուներ են որոնք պարունակվում են ձկան յուղի մեջ։ Գիտնականների տվյալներով՝ այս տարրերի համադրությունը թույլ է տալիս արդյունավետ կերպով պայքարել ռևմատոիդ արթրիտի առաջացրած բորբոքումների դեմ։ Հետազոտությունները ցույց են տվել, որ շուրջ երեք ամիս այս սննդարար նյութերի ընդունումից հետո հիվանդների ավելի քան 50 տոկոսի մոտ նկատվել են հիվանդության դրսևորումների նվազում։

Քրքում օգտագործել

Այս տարածված համեմունքն օժտված է հակաբորբոքային ազդեցությամբ, ինչի շնորհիվ ճնշում է որոշ պրոբորբոքային ֆերմենտների արտազատումը։ Այս ֆերմենտը մասնակցում է նաև պրոստագլանդին հորմոնի արտադրությանը, որը շատ կարևոր դեր է խաղում հոդացավերի պատճառ հանդիսացող բորբոքումների զարգացման գործընթացում։

Օգտագործել երիցուկ բազմամյա

Այս բույսն օգնում է բնական ճանապարհով պայքարել արթրիտով պայմանավորված բորբոքումների դեմ։ Նման հակաբորբոքային ազդեցությունը բացատրվում է պարտենոլիդ միացության առկայությամբ, որը նաև օգնում է ազատվել մկանային սպազմներից ու կանխել գլխուղեղում արյունատար անոթների նեղացումը։ 

Ճիշտ սննդակարգ սահմանել

Մասնագետների խոսքով՝ վերոնշյալ մեթոդների հետ մեկտեղ հարկավոր է նաև կարգավորել սննդակարգն ու ներառել դրանում սննդամթերքի տեսակներ որոնք կուժեղացնեն թերապևտիկ արդյունքը և կնվազեցնեն բորբոքումների մակարդակը։ Ճիշտ սննդակարգ մշակելու և ինքնազգոցողությունը բարելավելու համար հարկավոր է առաջին հերթին նախապատվությունը տալ պեստիցիդներ չպարունակող և գենետիկորեն չմոդիֆիկացված սննդամթերքի տեսակներին։ Բացի այդ, հարկավոր է խուսափել ալերգիկ ախտանշաններ առաջացնող մթերքից, ինչպես նաև բացառել վերամշակում անցած ու փաթեթավորված սննդամթերքը, որը կարող է պահածոյացնող նյութեր ու շաքար պարունակել։

Նյութի աղբյուրը՝ medikforum.ru