Ամենաարդյունավետ ժողովրդական դեղամիջոցները փորափքանքի տհաճ ախտանշաններից ազատվելու համար․ 8 բաղադրատոմս

Փորափքանքը բավական տարածված խնդիր է, որը սովորաբար պայմանավորված է լինում մարդկանց կենսակերպով ու սննդամթերքի որոշակի տեսակների գործածությամբ: Այն կարող է բավական տհաճ ու ցավոտ զգացողություններ առաջացնել՝ բացասաբար անդրադառնալով կյանքի որակի վրա, ուստի զարմանալի չէ, որ այս դեպքերում մարդիկ փորձում են հնարավորինս շուտ ազատվել խնդրից:

Գոյություն ունեն փորափքանքի դեմ պայքարի տարբեր դեղամիջոցներ, սակայն կան նաև շատ պարզ ու հասանելի բնական միջոցներ, որոնք իրենց արդյունավետությամբ չեն զիջում դեղորայքին, սակայն շատ ավելի անվնաս են ու չեն առաջացնում որևէ կողմնակի բարդություն, քանի որ չեն պարունակում վնասակար քիմիական տարրեր։ 

Ձեր ուշադրությանն ենք ներկայացնում ութ արդյունավետ ու հասանելի ժողովրդական միջոց, որոնք կօգնեն հեշտությամբ ազատվել այս խնդրի հետևանքով զարգացող տհաճ զգացողություններից։

• 1 ճաշի գդալ բոխնի բուժիչի մանրացրած տերևներին ու արմատներին ավելացնել կես բաժակ եռման ջուր, 15 րոպե դնել տաք գոլորշու վրա, այնուհետև թրմել ևս 45 րոպե։ Ստացված թուրմը հարկավոր է ընդունել օրական երեք անգամ կես բաժակ։
• 1 ճաշի գդալ սամիթի մանրացրած սերմերին ավելացնել 1,5 բաժակ եռման ջուր, տարան ծածկել ու թրմել 2-3 ժամ, որից հետո քամել։ Ստացված թուրմը հարկավոր է ընդունել ուտելուց մի քանի ժամ առաջ կես բաժակ օրական երեք անգամ։
• 1 ճաշի գդալ դեղատնային երիցուկի չոր ծաղիկներին ավելացնել 200 մլ եռման ջուր, դնել թույլ կրակին, եռացնել 5 րոպե, որից հետո թրմել ևս 4 ժամ ու քամել։ Թուրմը հարկավոր է ընդունել օրական 4 անգամ երկուական ճաշի գդալ ուտելուց առաջ։
• Խառնել հավասար քանակությամբ դեղատու եղեսպակի տերևները, անանուխի տերևները, դեղատնային երիցուկի խոտը, խոցված սրոհունդի խոտն ու քիմիոնի պտուղները, այնուհետև ստացված խառնուրդի 2 ճաշի գդալին ավելացնել մի բաժակ եռման ջուր, 8 ժամ թրմել թերմոսի մեջ, այնուհետև քամել։ Ստացված թուրմը հարկավոր է ընդունել օրական երկու անգամ կես բաժակ։
• 1 թեյի գդալ հոռոմ-սամիթի չորացրած պտուղներին ավելացնել մի բաժակ եռման ջուր, 15 րոպե դնել տաք գոլորշու վրա, այնուհետև թրմել մինչև հեղուկը սառչի և քամել։ Ստացված թուրմը հարկավոր է ընդունել օրական երկու անգամ ⅓ բաժակ։
• 1 ճաշի գդալ անանուխին ավելացնել մի բաժակ եռման ջուր, թրմել 45 րոպե, այնուհետև քամել։ Ստացված թուրմը հարկավոր է ընդունել ուտելուց առաջ օրական 3 անգամ ⅓ բաժակ։
• Պատրաստել ոչ շատ թունդ կանաչ թեյ, ավելացնել 1 թեյի գդալ թարմ կամ չորացրած անանուխ, թրմել 15 րոպե, որից հետո քամել ու խմել ուտելուց հետո։
• 1 ճաշի գդալ հոռոմ-սամիթի սերմերին ավելացնել մի բաժակ եռման ջուր, 15 րոպե դնել տաք գոլորշու վրա, այնուհետև թրմել ևս 45 րոպե և քամել։ Ստացված թուրմը հարկավոր է բաժանել երկու մասի և խմել օրվա ընթացքում։

Այս բաղադրատոմսերը պարզ են, արդյունավետ ու հասանելի, սակայն հարկ է հիշել, որ որոշ դեպքերում փորափքանքը պայմանավորված է լինում առողջական լուրջ խնդիրներով, ուստի խնդրի հաճախակի կրկնության դեպքում հարկավոր է անպայման դիմել մասնագետին, քանի որ ինքնաբուժությունը կարող է խիստ վտանգավոր լինել ու էլ ավելի վատթարացնել հիվանդի վիճակը: Բացի այդ, միայն փորձառու մասնագետը կկարողանա պարզել խնդրի պատճառն ու նշանակել անհրաժեշտ բուժումը, որը կլինի արդյունավետ ու չի առաջացնի կողմնակի բարդություններ:

Նյութի աղբյուրը՝ aif.ru