Ինչպես ազատվել զարկերակային ցածր ճնշմամբ պայմանավորված գլխապտույտներից․ 8 բնական միջոց

Գլխապտույտները կարող են բավական տհաճ անակնկալ դառնալ յուրաքանչյուրի համար՝ ուղեկցվելով շատ տհաճ զգացողություններով ու բացասաբար անդրադառնալով կյանքի որակի վրա։ Այս խնդրի դեմ պայքարում մարդիկ սովորաբար կիրառում են որոշակի դեղամիջոցներ կամ պարզապես անտեսում են այն՝ սպասելով մինչ տհաճ զգացողությունները կմեղմվեն, սակայն մասնագետները նախազգուշացնում են, որ գլխապտույտներն անուշադրության մատնելը կարող է շատ վտանգավոր լինել։

Գլխապտույտների դեմ պայքարում առաջին հերթին հարկավոր է հաշվի առնել դրանց առաջացման պատճառն ու ազատվել հենց դրանից, այլապես բուժումն անարդյունավետ կլինի։ Շատ դեպքերում գլխապտույտի ու թուլության պատճառ է հանդիսանում զարկերակային ցածր ճնշումը, որը կարգավորելու համար մարդիկ հատուկ դեղորայք են ընդունում։ Այնուամենայնիվ նման դեղամիջոցները չեն ազատում գլխապտույտից և բավական լուրջ կողմնակի բարդություների պատճառ են դառնում, ուստի հաճախ մասնագետները խորհուրդ են տալիս խուսափել դրանց հաճախակի գործածությունից։ 

Զարկերակային ճնշման նվազմամբ պայմանավորված գլխապտույտը կարող է բավական տհաճ զգացողություններ առաջացնել, ուստի հարկավոր է հնարավորինս շուտ միջոցներ ձեռնարկել դրանցից ազատվելու համար։ Նման դեպքերում օգնության են հասնում բնական դեղամիջոցները, որոնք ոչ միայն օգնում են մեղմել տհաճ զգացողությունները, այլև չեն առաջացնում կողմնակի բարդություններ, ուստի ձեր ուշադրությանն ենք ներկայացնում դրանցից մի քանիսը։

• Խառնել 1 ճաշի գդալ կատվախոտի արմատը, 2 ճաշի գդալ սրոհունդը, 2 ճաշի գդալ պատրինջի տերևները և 4 ճաշի գդալ առյուծագիի խոտը, այնուհետև ստացված խառնուրդի 2 թեյի գդալին ավելացնել մի բաժակ եռման ջուր ու թրմել 1 ժամ։ Ստացված թուրմը քամել և ընդունել քնելուց առաջ մեկ բաժակ։ 
• 3։1։2 հարաբերակցությամբ խառնել ստեպղինի, ճակնդեղի ու նռան հյութերը և ժամանակ առ ժամանակ խմել այս խառնուրդը գլխապտույտներից ազատվելու համար։
• 4 թեյի գդալ ազնվամորու չորացրած հատապտուղներին ավելացնել 2 բաժակ եռման ջուր, 2-3 ժամ թրմել թերմոսի մեջ, այնուհետև խմել որպես թեյ օրական 2-3 անգամ։
• Հունական ընկույզը տրորել ու մանրացնել, ավելացնել նույն քանակությամբ մեղր ու լավ խառնել։ Ստացված խառնուրդը հարկավոր է ընդունել օրական 2 անգամ ուտելուց հետո մեկական թեյի գդալ։
• 1 ճաշի գդալ պատրինջի թարմ կամ չորացրած տերևներին ավելացնել 1 բաժակ եռման ջուր, թրմել ու խմել որպես թեյ գլխապտույտների դեպքում։
• 1 թեյի գդալ երեքնուկի ծաղիկներին ավելացնել 1 բաժակ ջուր, 5 րոպե եռացնել, այնուհետև քամել։ Ստացված թուրմը հարկավոր է ընդունել օրական 4-5 անգամ մեկական ճաշի գդալ։
• 1 ճաշի գդալ թարմ թթվառվույտի մանրացրած տերևներին ավելացնել 1 բաժակ եռման ջուր, թրմել 4 ժամ, այնուհետև քամել ու ընդունել օրական 3 անգամ մեկական ճաշի գդալ։
• 1։1։1 հարաբերակցությամբ խառնել հապալասի, հազրեվարդի ու պատրինջի տերևները, այնուհետև ստացված խառնուրդի 1 ճաշի գդալին ավելացնել մի բաժակ եռման ջուր, 30-40 րոպե թրմել որևէ փակ տարայի մեջ, այնուհետև քամել։ Ստացված թուրմը հարկավոր է ընդունել օրական 3 անգամ ուտելուց առաջ մեկական ճաշի գդալ։

Այս պարզ բնական միջոցները կարող են շատ արդյունավետ լինել, սակայն հարկ է հիշել, որ որոշ դեպքերում գլխապտույտները կարող են պայմանավորված լինել առողջական լուրջ խնդիրներով, ուստի մինչ դրանց դեմ պայքարելը հարկավոր է նախ բուժզննում անցնել ու բացառել վտանգավոր հիվանդությունները։ Հարկ է հիշել, որ ինքնաբուժությունը կարող է շատ տհաճ հետևանքներ ունենալ, ուստի առաջին հերթին հարկավոր է դիմել բժշկին: Լուրջ խնդիրների դեպքում միայն փորձառու մասնագետը կկարողանա պարզել դրա պատճառն ու նշանակել անհրաժեշտ բուժումը, որը կլինի արդյունավետ ու չի առաջացնի կողմնակի բարդություններ:

Նյութի աղբյուրը՝ Aif.ru