12 արդյունավետ բնական միջոց աչքերի տակ առաջացած այտուցներից ու մուգ շրջանակներից ազատվելու համար

Աչքերի տակ առաջացած «պարկերը» և մուգ շրջանակները կարող են տհաճ անակնկալ դառնալ յուրաքանչյուրի համար, ուստի զարմանալի չէ, որ մարդիկ փորձում են հնարավորինս արագ ազատվել դրանցից: Նման այտուցները կարող են պայմանավորված լինել տարբեր պատճառներով, այդ թվում՝ մաշկի սխալ խնամքով, քնի պակասով և անգամ առողջական լուրջ խնդիրներով, ուստի մինչ որևէ միջոց կիրառելը խորհուրդ է տրվում դիմել բժշկին։ Այնուամենայնիվ անգամ առողջական խնդիրների առկայության դեպքում հիմնական հիվանդության բուժման հետ մեկտեղ հարկավոր է պայքարել նաև այտուցների դեմ։

Այտուցները կարող են խիստ բացասաբար անդրադառնալ արտաքինի վրա՝ հաղորդելով հոգնած ու անառողջ տեսք և ստիպելով անհապաղ դրանց դեմ որևէ միջոց ձեռնարկել։ Շատ հաճախ մարդիկ պարզապես փորձում են քողարկել դրանք շպարի օգնությամբ, ինչը երբեմն էլ ավելի է վատթարացնում վիճակը, մինչդեռ կարելի է կիրառել փորձված ու պարզ բնական միջոցներ, որոնք րոպեների ընթացքում ավելի թարմ տեսք կհաղորդեն ու կազատել այտուցներից և մուգ շրջանակներից։

Այս բնական միջոցները նույնքան արդյունավետ են, որքան թանկարժեք պրոցեդուրաները, սակայն դրանք շատ ավելի հասանելի են ու անվնաս, քանի որ չեն պարունակում են որևէ վնասակար քիմիական բաղադրիչ և չեն առաջացնում կողմնակի բորդություններ, ուստի ձեր ուշադրությանն ենք ներկայացնում դրանցից լավագույնները:

• Քերիչով մանրացրած թարմ վարունգին ավելացնել մի թեյի գդալ թթվասեր, լավ խառնել, որից հետո ստացված զանգվածը քսել այտուցված կոպերին և թողնել 15 րոպե։
• ½ հում կարտոֆիլը քերիչով մանրացնել, ստացված խյուսը քսել թանզիֆին, այնուհետև կոմպրեսը դնել կոպերին ու թողնել 15 րոպե:
• 1 ճաշի գդալ տերեփուկի ծաղիկներին ավելացնել 1 բաժակ եռման ջուր, թրմել կես ժամ և քամել: Բամբակյա սկավառակները թրջել ստացված թուրմով, դնել ստորին կոպերին ու թողնել 15 րոպե:
• 1 ճաշի գդալ անանուխին ավելացնել 1 բաժակ եռման ջուր ու թրմել 30 րոպե, որից հետո ստացված թուրմը քամել, լցնել սառույցի կաղապարների մեջ ու սառեցնել։ Բուժիչ սառույցի կտորներն օգտագործել այտուցված հատվածները կանոնավոր մերսելու համար։
• 1 թեյի գդալ չորացրած եղեսպակին ավելացնել 100 մլ եռման ջուր, թրմել 15 րոպե և քամել: Բամբակյա սկավառակները թրջել ստացված գոլ թուրմով, դնել աչքերին ու թողնել 15 րոպե:
• Մաղադանոսի թարմ թերևները լավ մանրացնել, ստացված խյուսը քսել այտուցված մաշկին, այնուհետև ծածկել խոնավ բամբակյա սկավառակներով ու թողնել 15-20 րոպե։
• Բամբակյա սկավառակները թրջել հնարավորինս սառը կաթով, դնել կոպերին ու թողնել մինչև դրանց ջերմաստիճանը հավասարվի մարմնի ջերմաստիճանին։
• 2 թեյի գդալ տերեփուկի չորացրած ծաղիկներին ավելացնել մի բաժակ եռման ջուր, թրմել մեկ ժամ, որից հետո քամել ու ընդունել օրական 3 անգամ երկուական ճաշի գդալ։
• 1 թեյի գդալ կեչու չորացրած տերևներին ավելացնել կես բաժակ եռման ջուր ու թրմել կես ժամ, այնուհետև թուրմը քամել, բաժանել 3 մասի և ընդունել օրվա ընթացքում։
• Մաղադանոսի թարմ թերևները լավ մանրացնել, ստացված խյուսի 1 ճաշի գդալին ավելացնել 2 թեյի գդալ թթվասեր, լավ խառնել, որից հետո ստացված զանգվածը քսել այտուցված կոպերին և թողնել 15 րոպե։
• 2-3 գդալ քիմիոնի սերմերին ավելացնել 1 բաժակ եռման ջուր, թրմել մեկ ժամ, որից հետո թուրմը քամել, բաժանել մի քանի մասի և ընդունել օրվա ընթացքում։
• 2 գդալ սովորական հապալասենու չորացրած տերևներին ավելացնել մի բաժակ ջուր, դնել կրակին ու 30 րոպե եռացնել, որից հետո եփուկը քամել և ընդունել օրվա ընթացքում։

Այս պարզ բնական միջոցները կարող են շատ արդյունավետ լինել, սակայն հարկ է հիշել, որ նման այտուցները ոչ միշտ են լինում զուտ կոսմետիկ խնդիր և կարող են պայմանավորված լինել առողջական բավական լուրջ խնդիրներով, ուստի մինչ դրանց դեմ նման միջոցներով պայքարելը հարկավոր է նախ անպայման դիմել մասնագետին, բուժզննում անցնել ու բացառել վտանգավոր հիվանդությունները։ Հարկ է հիշել, որ ինքնաբուժությունը կարող է շատ տհաճ հետևանքներ ունենալ, ուստի առաջին հերթին հարկավոր է դիմել բժշկին: Լուրջ խնդիրների դեպքում միայն փորձառու մասնագետը կկարողանա պարզել դրա պատճառն ու նշանակել անհրաժեշտ բուժումը, որը կլինի արդյունավետ ու չի առաջացնի կողմնակի բարդություններ:

Նյութի աղբյուրը՝ Aif.ru