Չորս տարածված «միֆ» Ալցհեյմերի հիվանդության մասին, որոնց ժամանակն է դադարել հավատալ

Դեմենցիան կամ թուլամտությունը գլխուղեղի մի շարք հիվանդությունների հավաքական անվանումն է, որոնցից ամենատարածվածը համարվում է Այցհեյմերի հիվանդությունը։ Սա շատ վտանգավոր անբուժելի նեյրոդեգեներատիվ հիվանդություն է, որը կյանքի տևողության երկարացման հետևանքով սկսել է շատ ավելի հաճախ է ախտորոշվել: 

Այս հիվանդության մասին մարդկանց տեղեկացվածության մակարդակը բավական ցածր է, ինչի հետևանքով էլ գոյություն ունեն դրա վերաբերյալ բազմաթիվ տարածված «միֆեր», որոնց մարդիկ շարունակում են հավատալ: Սա կարող է շատ վտանգավոր հետևանքներ ունենալ, ուստի մասնագետները ներկայացրել են դրանցից մի քանիսը:

Ալցհեյմերի հիվանդությունն ախտահարում է միայն տարեցներին

Այս հիվանդությունը սովորաբար մտազուգորդվում է միայն տարեց մարդկանց հետ, սակայն երիտասարդները նույնպես պաշտպանված չեն դրա զարգացումից: Իրականում Ալցհեյմերի հիվանդությունն ու դրա հիմնական տեսակներն իսկապես մեծ մասամբ ախտորոշվում են 65 տարեկանից բարձր անձանց մոտ, սակայն կան նաև այդ տարիքից ցածր բազմաթիվ հիվանդներ, ինչը սակայն քչերին է հայտնի: Սա կոչվում է վաղ դեմենցիա, որը սովորաբար ժառանգական բնույթ է կրում:

Ծերունական թուլամտությունը կարելի է բուժել

Ներկա պահին, ցավոք, գոյություն չունի որևէ միջոց, որը կօգնի բուժել Ալցհեյմերի հիվանդությունն ու ծերունական թուլամտության այլ տեսակները: Ավելին՝ չկա անգամ այնպիսի միջոց, որը կարող է արգելակել կամ դանդաղեցնել հիվանդության ընթացքը: Բուժման բոլոր միջոցները միտված են միայն հիվանդության ախտանշանները մեղմելուն:

Ալցհեյմերի հիվանդությունն ամենավտանգավոր հիվանդությունը չէ 

Մարդիկ վստահ են, որ Ալցհեյմերի հիվանդությունը բնավ վտանգավոր հիվանդությունը չէ և անհանգստանալու կարիք չկա, մինչդեռ իրականում այս «ոչ շատ կարևոր» հիվանդության հետևանքով մարդը կարող է կորցնել ոչ միայն հիշողությունն ու հարազատներին ճանաչելու կարողությունը, այլև սնվելու, խմելու կամ հագնվել ունակությունը: Ավելին՝ հիվանդության վերջին փուլերում կարող են ի հայտ գալ խնդիրներ անգամ շնչելու գործընթացի հետ կապված, ինչն էլ կարող է ճակատագրական լինել:

Ծերունական թուլամտությամբ հիվանդները ինքնազգացողության բարելավման հույս չունեն

Շատերն այս ախտորոշումն իմանալու դեպքում անմիջապես վհատվում են, մինչդեռ հիվանդության վաղ հայտնաբերումն ու որոշակի կանխարգելիչ դեղորայքի կանոնավոր ընդունումը կարող է զգալիորեն բարելավել դրա ընթացքը: Բացի այդ, նման դեպքերում մարդը կարող է նախապատրաստվել առաջիկա փոփոխություններին ու միջոցներ ձեռնարկել հետագայում խնդիրների առաջ չկանգնելու համար:

Նյութի աղբյուրը՝ The Health Site.