Որ ախտանշաններն են հուշում սրտամկանի ինֆարկտի մասին

17:10 • 05.06.22

Սրտանոթային համակարգի հիվանդությունները համարվում են ամբողջ աշխարհում մարդկանց վաղաժամ մահվան հիմնական պատճառներից մեկը, ինչը պայմանավորված է նրանով, որ դրանք հաճախ ախտահարում են մարդու կարևորագույն օրգաններից մեկը՝ սրտամկանը։

Այս համակարգի առավել վտանգավոր հիվանդություններից մեկը սրտամկանի ինֆարկտն է կամ սրտի նոպան, որը յուրաքանչյուր տարի հազարավոր մարդկանց մահվան ու հաշմանդամության պատճառ է դառնում։ Սա է պատճառը, որ դրա մասին հուշող ախտանշաններն իմանալն ու խնդիրը նկատելու դեպքում հնարավորինս շուտ միջոցներ ձեռնարկելը կարող է կենսական նշանակություն ունենալ։

Ալեքսեj Գապոնովի խոսքով՝ սրտամկանի ինֆարկտը բնորոշվում է կրծքավանդակի ցավով ու տհաճ զգացողություններով, որոնք սովորաբար ուղեկցվում են անսպասելի տագնապով ու մահվան վախով։ Այս խնդիրը պայմանավորված է լինում սրտամկանում նեկրոտիկ գործընթացների զարգացմամբ, որոնց պատճառն էլ արյան շրջանառության խանգարումն է լինում։ Սրտամկանի հյուսվածքների՝ մեռուկի ենթարկված հատվածներում բջիջներն սկսում են մահանալ, ուստի այս պարագայում շատ մեծ նշանակություն է ունենում՝ որքան օպերատիվ է ցուցաբերվում առաջին օգնությունը։

Մասնագետի խոսքով՝ գոյություն ունեն ախտանշաններ, որոնք թույլ են տալիս ինքնուրույն տարբերակել սրտամկանի ինֆարկտը։

«Սրտամկանի ինֆարկտի դեպքում ցավը կարող է տարածվել ձախ ձեռքի, մեջքի և սրտորին ծնոտի հատվածում կամ կրծքավանդակի սեղմվածության զգացողություն առաջացնել։ Հաճախ ցավերն ուղեկցվում են մահվան վախով», - նշել է մասնագետը։

Ինչպես շեշտել է Գապոնովը, նման ախտանշանների առկայության դեպքում հարկավոր է դադարեցնել ցանկացած աշխատանք ու գործունեություն և փոխարենը հնավորինս թուլանալ, հանգստանալ ու հարմար դիրք ընդունել։ Եթե վերոնշյալ ախտանշաններն առաջին անգամն են ի հայտ գալիս, ապա հարկավոր է շտապօգնություն կանչել։

Նյութի աղբյուրը՝ medikforum.ru