«Ոսկե ծիրան» կինոփառատոնը 5 տարեկան է

Հուլիսի 13-20-ը «Ոսկե Ծիրան» Երևանյան միջազգային կինոփառատոնը կանցկացվի 5-րդ անգամ։ Փառատոնին մասնակցելու հայտ են ներկայացրել մոտ 400‎ ֆ‎իլմեր աշխարհի ավելի քան 65 երկրներից։ «Ոսկե Ծիրան»-ը կմեկնարկի Ռոման Բալայանի «Դրախտի թռչունները» ‎‎ֆիլմով, իսկ փառատոնի փակումը կազդարարի Կաննում էկումենիկ ժյուրիի մրցանակին արժանացած Ատոմ Էգոյանի «Երկրպագում» ‎ֆիլմի ցուցադրությունը։

Այս տարի հայկական փառատոնի ավանդական մրցույթներից բացի, «Ռեժիսորներ առանց սահմանների» ծրագրի շրջանակներում կանցկացվի նաև տարածաշրջանային մրցույթ, հետահայաց ցուցադրություններում տեղ կգտնեն իրանցի անվանի ռեժիսոր Դարիուշ Մեհրջուի և Միքելանջելո Անտոնիոնիի աշխատանքները;

Սարոյանական տարվա շրջանակներում «Ոսկե ծիրան»-ի Հարգանքի տուրք նոր ծրագրում կընդգրկվեն Վ. Սարոյանի կինոսցենարիների և ստեղծագործությունների հիման վրա տարբեր երկրներում նկարահանված ‎‎ֆիլմերը։ Փառատոնի կազմակերպիչնրը նշեցին, որ հնարավորության դեպքում Հայաստան կբերեն նաև ամերիկահայ գրողի նկարահանած միակ ‎‎‎‎‎ֆիլմը։

«Ոսկե Ծիրան»-ի և Եվրախորհրդի համագործակության արդյունքում հուլիսի 18-ին կանցկացվի «Կինոն որպես միջմշակութային երկխոսության միջոց» միջազգային գիտաժողովը։

Երևանյան պրեմիերաներ ծրագրում կընդգրկվեն Ֆրենսիս Ֆորդ Կոպոլայի, Վիմ Վենդերսի և Գորան Պասկալևիչի վերջին աշխատանքները։

Փառատոնի շրջանակներում կտոնվի նաև Արտավազդ Փելեշյանի 70–ամյակը, իսկ Համահայկական կինոնախագծի շրջակներում հայ կինոգործիչները կքննարկեն հայկական կինոյի զարգացման հեռանկարները։