Եգիպտացիները գտան «Անգլուխ բուրգ»

Եգիպտացի հնագետները հինգշաբթի հայտնաբերել են 4.000 տարվա պատմություն ունեցող «մոռացված բուրգ», որն արդեն 200 տարի առաջ հայտնաբերել էին նրանց գործընկերները ու որն այլևս ոչ ոք չէր տեսել:

Զահի Հավասը՝ Եգիպտոսի հնաբանության ինստիտուտի տնօրենը, հայտարարել է, որ, ըստ նախնական տվյալների, բուրգը կառուցել է Մենկաուհոր թագավորը. ոչ այդքան հայտնի փարավոնը, ով կառավարել է ընդամենը 8 տարի:

1842 թվականին գերմանացի հնէաբան Կառլ Ռիխարդ Լեպսիուսը հիշատակում է այդ բուրգը՝ Սահարայում կատարած նրա մյուս բացահայտնումների շարքում՝ տալով նրան 29 համարը ու կոչելով այն «Անգլուխ բուրգ», քանի որ նրա միայն հիմքն է պահպանվել: Սակայն անապատի ավազը ծածկել էր հայտնագործությունը, ու այդ պահից ի վեր որևէ այլ հնէաբան հնարավորություն չի ունեցել տեսնել Մենկաուհորի վերջին հանգրվանը:

«Մենք գտանք բուրգը, որն արդեն կորցրած էինք համարում», - հայտարարել է Հավասը: Բուրգը գտնվում է Կահիրեից 12 մղոն դեպի հարավ ընկած հատվածում:
Հայտնագործողների թիմը նույնպես նշել է, որ հայտնագործության մի մաս է կազմում նաև հանդիսավոր արարողությունների ճանապարհը, որտեղ դիմակավորված հոգևոր առաջնորդները ժամանակին տանում էին մումիացրած սուրբ ցլին, որին պաշտում էին Հին Եգիպտոսի մայրաքաղաք Մեմֆիսում: