Սարոյան սցենարիստը կներկայացվի «Ոսկե Ծիրան»-ում

«Ոսկե Ծիրան» միջազգային կինոփառատոնն ու Մշակույթի նախարարությունը համատեղ այս տարի փառատոնի օրերին կանցկացնեն Վիլյամ Սարոյանի 100 ամյակին նվիրված ամբողջական ծրագիր։ Այն կներառի ‎ֆիլմերի ցուցադրություններ, որոնք նկարահանվել են Սարոյանի սցենարների հիման վրա։ Մասնավորապես, կցուցադրվի 3 հոլիվուդյան ‎ֆիլմ, որոնք հայկական փառատոնում ներկայացնելու հարցում աջակցել է Հարավային Կալի‎‎ֆոռնիայի համալսարանի պրո‎ֆ‎եսոր, սարոյանագետ Տիգրան Գույումճյանը։ Նա ներկա կլինի փառատոնին, նաև հանդես կգա հատուկ դասախոսությամբ սարոյանական ‎‎ֆիլմերի և կինոարվեստին անվանի գրողի առնչությունների մասին։

«Ոսկե Ծիրան»-ի հյուրն այս տարի կլինի Վիլյամ Սարոյանի եղբորորդին` ռեժիսոր Հենք Սարոյանը, ով կներկայացնի իր կարճամետրաժ «Մաղադանոսի այգին» աշխատանքը։

Փառատոնի բացառիկ ցուցադրություններից է Վիլյամ Սարոյանի նկարահանած միակ ‎ֆիլմը` 10 րոպեանոց «Լավ գործը»։

«Ոսկե Ծիրան»-ի օրերին տեղի կունենա նաև «4 տեսլիք. Սարոյանը և Հոլիվուդի դերասանուհիները» գրքույկի շնորհանդեսը, որն ընդգրկում է աշխարհահռչակ դերասանուհիներ Լիլիան Գիշի, Գրետա Գարբոյի, Միրիամ Հոփքինսի և Մերիլին Մոնրոյի մասին Սարոյանի էսսեները, որոնք հավաքել է կինոգետ Արծվի Բախչինյանը։