Կայացավ Գրքի համահայկական առաջին տոնավաճառը

Երևանի կենտրոնում՝ Շառլ Ազնավուրի անվան հրապարակում, կայացավ Գրքի համահայկական առաջին տոնովաճառը, որին ներկայացված էին տեղական ու սփյուռքի մոտ 40 հրատարակությունների գրքեր։ Տոնավաճառը կազմակերպվել էր Գրղների համահայկական 4-րդ համաժողովի շրջանակներում, որ անց է կացվում Մշակույթի նախարարության աջակցությամբ «Հայ գրականության շաբաթ» խորագրի ներքո։ Մասնակցում են մոտ 80 գրողներ՝ աշխարհի ավելի քան 15 երկրներից։

Գրքի տոնավաճառը նախատեսվում է դարձնել ամենամյա, այս նախաձեռնությամբ փաստորեն մեկնարկեց նաև «Մեկ ազգ, մեկ մշակույթ» փառատոնը։