Սիրիայում անցկացվում են Հայաստանի մշակույթի օրերի միջոցառումներ

Սիրիայում Հայաստանի մշակույթի օրերի միջոցառումների շրջանակում շարունակվում են Հովհաննես Թումանյանի տիկնիկային թատրոնի ներկայացումները Լաթաքիայում, Հալեպում, ինչպես նաև պարի պետական անսամբլի ելույթները Հալեպում։

ՀՀ արտգործնախարարության մամուլի և տեղեկատվության վարչության հաղորդմամբ, հայ արվեստագետների ելույթներն արժանանում են սիրիացի հանդիսատեսի ջերմ ընդունելությանը։

Դեկտեմբերի 1-ին Հալեպում պարի պետական անսամբլի ելույթով կեզրափակվեն Հայաստանի մշակութային օրերը Սիրիայում։ 2009թ. երկրորդ կիսամյակում նախատեսվում է Հայաստանում անցկացնել Սիրիայի մշակույթի օրեր։