ԱԺ պատվիրակությունն Օտտավայում մասնակցել է Ֆրանկոֆոնիայի միջազգային կազմակերպության խորհրդարանական վեհաժողովին

10:36 • 10.07.14

 

Հուլիսի 4-9-ը ՀՀ ԱԺ պատվիրակությունը` ի դեմս պատգամավորներ Մարգարիտ Եսայանի (ՀՀԿ), Մնացական Մնացականյանի (ՀՀԿ) և Արմեն Ռուստամյանի (ՀՅԴ), Օտտավայում` առաջին անգամ մասնակցել է Ֆրանկոֆոնիայի միջազգային կազմակերպության խորհրդարանական վեհաժողովին: Այս մասին հայտնում են ՀՀ ԱԳՆ մամուլի, տեղեկատվության և հասարակայնության հետ կապերի վարչությունից։


Հաղորդագրության մեջ ասվում է, որ հուլիսի 8-ին Կանադայում ՀՀ դեսպանությունը կազմակերպել է պատգամավորների հանդիպումը Օտտավայում հայ համայնքի հետ: Պատգամավորները հանգամանալից անդրադարձ են կատարել հայկական պատվիրակության մասնակցությանը խորհրդարանական վեհաժողովին և արդյունքներին, որին հաջորդել է հարց ու պատասխանը:


Այնուհետև, պաշտոնական ընդունելության ժամանակ ներկաները հնարավորություն են ունեցել անմիջականորեն շփվել պատվիրակության անդամների հետ: