Հայտարարվել են «Ոսկե գլոբուս» մրցանակի թեկնածուները

Հայտարարվել են «Ոսկե գլոբուս» մրցանակի թեկնածուները՝ 20 անվանակարգերում, իսկ հաղթողների անունները կհրապարակվեն 2015-ի հունվարի 11-ին՝ Բևերլի-Հիլզում, գրում է korrespondent.ru-ն՝ «Ոսկե գլոբուս» մրցանակաբաշխության պաշտոնական կայքին հղումով։


Այն կլինի մրցանակաբաշխության 72-րդ հանդիսավոր արարողությունը: 


Անվանակարգերին և առաջադրված թեկնածուների ամբողջական ցանկին կարելի է ծանոթանալ «Ոսկե գլոբուս»-ի պաշտոնական կայքում։


«Ոսկե գլոբուս» ամերիկյան կինոմրցանակը սահմանվել է Հոլիվուդի «Արտասահմանյան լրագրողների ասոցիացիայի» կողմից 1944 թվականին։


Ոսկե Գլոբուս մրցանակը շնորհվում է յուրաքանչյուր տարվա հունվար ամսին և որոշվում է Հոլիվուդում բնակվող մոտավորապես 90 միջազգային լրագրողների քվեարկության արդյունքում։


Այն համարվում է 3-րդ հեղինակավոր մրցանակը «Օսկար»-ից ու «Գրեմմի»-ից հետո։