Նորվեգիայում հայտնաբերվել է Դիսնեյի սուրբծննդյան առաջին մուլտֆիլմը

Առաջին սուրբծննդյան մուլտֆիլմը, որը ստեղծել է Ուիլյամ Դիսնեյը և որը նախկինում համարվում էր կորած, հայտնաբերվել է Նորվեգիայի հյուսիսում գտնվող գրադարաններից մեկում, հայտնում է РИА Новости-ն:

«Դատարկ գուլպաներ» սև ու սպիտակ ֆիլմի գլխավոր հերոսը Օսվալդ` երջանիկ նապաստակ, անունով կերպարն է, որը դարձել է Միկի Մաուսի նախատիպը:

«Մենք չգիտեինք, որ դա կինոյի կորած գանձ է»,- նշել են գրադարանում:

Disney ընկերության մասնագետները պարզաբանել են, որ մուլտֆիլմը տևում է 5:30 րոպե, սակայն 30-ից 60-րդ վայրկյանները ձայնագրությունում չեն պահպանվել:

Նորվեգիայի ազգային գրադարանի ղեկավարությունը որոշել է ձայնագրությունը հանձնել Disney-ին: