ԱՄՆ-ում հայտնաբերվել են Շագալի և Ռիվերայի գողացված կտավները

Լոս Անջելեսում ձերբակալվել է մի տղամարդ, ով փորձել է վաճառել արվեստի 9 գործ, որոնք գողացված են եղել 2008-ին, գրում է Газета-ն։

Կտավների ընդհանուր արժեքը գնահատվում է 10 մլն դոլար։

Նկարները, որոնց թվում կան նաև Մարկ Շագալի և Դիեգո Ռիվերայի աշխատանքները, հայտնաբերվել են Լոս Անջելեսի հյուրանոցներից մեկում՝ ոստիկանության և ՀԴԲ-ի համատեղ գործողությունների արդյունքում։

Նկարները գտնվել են 45-ամյա Ռաուլ Էսպինոսայի մոտ, ով փորձել է վաճառել աշխատանքներն առձեռն 700.000 դոլարով։

2008-ին Էնսինո քաղաքում անձնական հավաքածուից գողացվել էր 12 արվեստի գործ, որոնցից 3-ը դեռևս չեն հայտնաբերվել։