Հոլանդացի ճարտարապետը կյանքի է կոչել եվրո թղթադրամների վրա պատկերված երևակայական կամուրջները (լուսանկարներ)

Երբ ավստրիացի դիզայներ Ռոբերտ Կալինան 2002-ին ներկայացրեց եվրոյի թղթադրամների դիզայնը, դրանց վրա նա պատկերել էր երևակայական կամուրջներ, որոնք ընդհանուր առմամաբ՝ ներկայացնում են եվրոպական ճարտարապետությունը: Կամուրջները կարող են ընկալվել որպես տարբեր ժամանակաշրջանների ներկայացուցիչներ` Հռոմեական տիրապետությունից, Գոթական ու Վերածննդի դարաշրջաններից մինչ 20-րդ դար:

Ինչպես գրում է Oddity Central–ը` այժմ հոլանդացի ճարտարապետ Ռոբին Ստամը հանդես է եկել նոր  գաղափարի իրականացմամբ: Նրա մտահղացմամբ` զվարճալի կլիներ երևակայական կամուրջները վերածել իրականության, ինչն էլ նա արել է: Ճարտարապետը կառուցել է բոլոր կամուրջները, ինչպես որ դրանք պատկերված են 200-50 եվրո թղթադրամների վրա` գույնի ու մասշտաբների համապատասխանությամբ:

Երբ կառուցապատման համար պատասխանատու տեղի  իշխանությունները  իմացել են   Ռոտերդամի ծայրամասերից մեկում  կամուրջներ կառուցելու նախագծի մասին, նրանք համաձայնել են ու խրախուսել ճարտարապետին՝ կյանքի կոչել այդ նախագիծը: