Եղանակն՝ այսօր
ՀՀ մշակույթի նախարարն ամփոփեց 2014 թվականն ու առանձնացրեց ձեռքբերումները
ՀՀ մշակույթի նախարար Հասմիկ Պողոսյանը հրավիրված մամուլի ասուլիսի ընթացքում ամփոփելով 2014 թվականի ընթացքում տեղի ունեցած մշակութային իրադարձությունները, հատկապես, որոնք եղել են տարվա ընթացքում:
«Ավարտվել են Ալ. Սպենդիարյանի անվան օպերայի և բալետի ազգային ակադեմիական թատրոնի տեխնիկական վերազինման և արդիականացման աշխատանքները»,- ասաց Հասմիկ Պողոսյանը՝ շարունակելով. «Թանգարանների վերանորոգման և նոր մշտական ցուցադրությունների կազմակերպման ուղղությամբ ՀՀ Նախագահի հանձնարարականով, Սոցիալական ներդրումների հիմնադրամի միջոցներով ավարտին են մոտենում Պ. Սևակի տուն-թանգարանի նոր մասնաշենքի կառուցման աշխատանքները»:
Շարունակելով խոսել թանգարանների վերանորոգման մասին, նախարարն ասաց, թե ստեղծվել է «Կոմիտասի թանգարան-ինստիտուտ» ՊՈԱԿ-ը։ Ավարտվել են թանգարանի շինարարական աշխատանքները, մշակվում է մշտական ցուցադրության պլանը և 2015թ. տարեսկզբին թանգարանն իր դռները կբացի այցելուների առաջ:
«Այսուհանդերձ, թանգարանների ոլորտը դեռևս չունի օրենք, այն մշակման փուլում է»,- ասաց Հասմիկ Պողոսյանը:
Studio One