Մադոննային քննադատել են իրեն Նելսոն Մանդելայի ու Մարտին Լյութեր Քինգի հետ համեմատելու համար (լուսանկարներ)

Երգչուհի Մադոննային մեղադրել են անհարգալից վերաբերմունքի համար, որը նա ցուցաբերել է նոր ալբոմի գովազդային արշավի շրջանակում` իրեն համեմատելով Նելսոն Մանդելայի, Մարտին Լյութեր Քինգի ու Բոբ Մարլիի հետ:

Ինչպես նշում է dailymail.co.uk-ը, Twitter և Instagram կայքերում արված գրառումներում 56-ամյա երգչուհին իրեն համարել է նույնպիսի ըմբոստ անձ, ինչպիսին նշված մարդիկ էին:

Փոփի թագուհին տեղադրել է իր նոր ալբոմի լուսանկարը, որում նրա դեմքը կապկպված է պարանով: Բացի այդ` նա տեղադրել է Նելսոն Մանդելայի, Մարտին Լյութեր Քինգի ու Բոբ Մարլիի նույնպիսի լուսանկարները, որոնք ֆոտոշոփի արդյունք են:

Սոցցանցերի օգտատերերը հավանություն չեն տվել Մադոննայի արարքին` այն որակելով անհարգալից ու զզվելի:

Աղբյուրը նշում է, որ երգչուհու Rebel Heart ալբոմի շնորհանդեսը կկայանա այս տարվա մարտի 10-ին: