Եղանակն՝ այսօր
Գալիս է առողջ, հետաքրքիր և հրաշալի սերունդ, նրանք են այսօրվա թթվածինը. Մուրադ Ջանիբեկյան
Գալիս է փայլուն ու նախանձելի սերունդ: Երիտասարդ սերնդի մասին նման կարծիք ունի Գ. Սունդուկյանի անվան ազգային ակադեմիական թատրոնի դերասան, ՀՀ վաստակավոր արտիստ Մուրադ Ջանբեկյանը:
«Մենք ամենատուժածներից էինք: Հիմա գալիս է առողջ, հետաքրքիր և հրաշալի սերունդ: Նրանք են այսօրվա թթվածինը»,- Tert.am-ի հետ զրույցում ասաց նա: Մուրադ Ջանիբեկյանը նշեց, որ դեռևս ոչ թե պետությունն է թատրոնով մտահոգվում, այլ թատրոնը` պետությունով:
Անդրադառնալով բազմաթիվ դերասանների՝ սերիալներում նկարահանվելուն` ՀՀ վաստակավոր արտիստը նշեց, որ «նրանց ձեռքը ճար չկա», ֆինանսական վիճակի պատճառով սերիալներում են նկարահանվում: «Ես ընդհանրապես Հայաստանում ոչ մի սերիալում չեմ նկարահանվում, որովհետև գտնում եմ, որ դրա մեջ «խալտուրա» կա»,-ասաց նա և նշեց, որ մի օր կարող է վարորդը նկարահանվել որևէ սերիալում, իսկ հաջորդ օրը քեզ համարի կոլեգա:
Ինչ վերաբերում է իր ծրագրերին՝ Մուրադ Ջանիբեկյանն ասաց, որ թեև ծրագրեր կան, սակայն ֆինանս չկա: Նա չցանկացավ մանրամասնել, թե ինչ ծրագրեր ունի, քանի որ երբ բարձրաձայնում է, դրանք չեն իրականանում:
Studio One