Եգիպտոսում հայտնաբերվել է Օսիրիս աստծո «դամբարանը» (լուսանկարներ)

Մի խումբ հնագետների աշխատանքի արդյունքում եգիպտական Լուքսոր քաղաքի մոտակայքում հայտնաբերվել է հնագույն աստվածներից մեկի` Օսիրիսի «դամբարանը», որի պատերն ամբողջությամբ ծածկված են սև մրով, հայտնում է The Daily Mail-ը:

Մասնագետների համաձայն` «դամբարանն» օգտագործվել է մի շարք ծիսակարգերի համար, որոնք նախատեսված են եղել աստվածների ու հանդերձյալ աշխարհում գտնվող փարավոնների հետ կապ հաստատելու համար:

Աղբյուրը հավելում է, որ հայտնաբերված դամբարանը, որում կանգնած է Օսիրիսի արձանը, կառուցվել է մ.թ.ա. 760-525թթ. ընթացքում: Այն գտնվում է Նեղոս գետի արևմտյան ափին` Ալ- Գորնա նեկրոպոլիսում:

Եգիպտոսի իշխանությունները հայտնել են, որ նորահայտ դամբարանը կառնվի պետության պաշտպանության տակ: