Կայացել է ամենամյա «Ոսկե գլոբուս» մրցանակաբաշխությունը. լավագույն ֆիլմ է ճանաչվել Boyhood-ը (լուսանկարներ)

Լոս Անջելեսում կայացել է ամենամյա «Ոսկե գլոբուս» մրցանակաբաշխությունը։ Ըստ ավանդույթի՝ միջոցառումն անցկացվում է Beverly Hilton հյուրանոցում, իսկ 3-րդ տարին անընդմեջ այն վարում են Թինա Ֆեյը և Էմի Փոլերը։

 

Մրցանակակիրներից մեկն արդեն հայտնի էր դարձել նախքան արարողությունը. Ջորջ Քլունին Սեսիլ Բ. ԴեՄիլի անվան պատվավոր մրցանակ է ստացել կինեմատոգրաֆի ոլորտում ներդրման համար, գրում է buro247.ru-ն։

 

Այս տարի «Լավագույն դրամատիկ ֆիլմ» մրցանակին է արժանացել ռեժիսոր Ռիչարդ Լինքլեյթերի «Պատանեկություն» (Boyhood) ֆիլմը։

 

Ամերիկացի ռեժիսոր Ուես Անդերսոնի «Հյուրանոց «Գրանդ Բուդապեշտ»» ֆիլմը մրցանակի է արժանացել «Լավագույն կատակերգություն» անվանակարգում։

 

«Լավագույն մինի-սերիալ» անվանակարգում հաղթող է ճանաչվել «Ֆարգո» հեռուստասերիալը, «Լավագույն արտասահմանյան ֆիլմ» անվանակարգում՝ ռուս ռեժիսոր Անդրեյ Զվյագինցևի «Լևիաֆան» ֆիլմը, «Լավագույն դրամատիկ սերիալ»՝ «Սիրահարները» սերիալը։

 

Տարվա լավագույն անիմացիոն ֆիլմ է ճանաչվել «Ինչպես վարժեցնել վիշապին- 2» ֆիլմը։

 

Որպես լավագույն ռեժիսոր՝ «Ոսկե գլոբուս» մրցանակին է արժանացել Ռիչարդ Լինքլեյթերը։
Տարվա լավագույն դրամատիկ դերասանուհի անվանակարգում հաղթել է Ջուլիանա Մուրը, իսկ տղամարդկանցից այդ մրցանակին է արժանացել Էդդի Ռեդմեյնը։ Լավագույն կատակերգու դերասանուհի է ճանաչվել Էմի Ադամսը։

 

Ջորջ Քլունի

Ռիչարդ Լինքլեյթեր

Անդրեյ Զվյագինցև

Ջուլիանա Մուր

 

Էդդի Ռեդմեյն

Ռիզ Ուիզերսփուն

Հայդի Քլում

Հելեն Միրեն

Քեյթ Հադսոն

Լյուպիտա Նիոնգո

Քեթի Հոլմս

Էմի Ադամս

Էմմա Սթոուն