Վալենսիայում բացվել է հայազգի նկարիչ Տիգրան Վարդիկյանի ցուցադրությունը` Հայոց ցեղասպանության հարյուրամյա տարելիցին ընդառաջ

Իսպանիայի Վալենսիա քաղաքի Միսլատա շրջանի «Արարատ» միությունը այս տարի նշում է  գործունեության 10-ամյակը և Հայոց ցեղասպանության հարյուրամյա տարելիցը:

Միսլատայի «Արարատ» միության 10-ամյա պատմությունը ներկայացնելու և ցեղասպանության հարյուրամյա տարելիցին նվիրված այս տարվա միջոցառումներն սկսվում են հայ նկարիչ Տիգրան Վարդիկյանի նկարների ցուցադրությամբ, որը մեկնարկել է անցյալ ուրբաթ՝ Միսլատայի Մշակույթի կենտրոնում:

Թեև նկարիչը Լեհաստանում աշխատում է որպես թերթի գրաֆիկական խմբագիր,նա նկարների կարևոր հավաքածուի հեղինակ է: Իր բազմաբնույթ բնավորությունն իրեն բերել է նաև լուսանկարչության և դեկորի աշխարհ, իսկ Միսլատայում հեղինակը ներկայացել է իր նկարների մեծ ու կարևոր ընտրանիով:

Վարդիկյանի նկարները պատկերում են մարդկանց ու կենդանիների, բնապատկերի ու կիսամերկ մարմինների միաձուլումը: Բացի այդ՝ կա  ծաղրանկարներին նվիրված առանձին բաժին, որոնց մասնագետն է հայ վարպետը: Նրա ծաղրանկարների հերոսներից են՝ ԱՄՆ նախագահ Բարաք Օբաման, Իսպանիայի վարչապետ Մարիանո Ռախոյը, քաղաքական գործիչ, Իսպանիայի նախկին վարչապետ Խոսե Լուիս Ռոդրիգես Սապատերոն: