United Buddy Bears. արջերի համերաշխության շրջագայությունը հասել է Հավանա. նրանց շարքերում է հայկական արջը (լուսանկարներ)

Հունվարի 16-ին Կուբայի մայրաքաղաք Հավանայի Ֆրանցիսկո դե Ասիս հրապարակում  կայացել է United Buddy Bears ցուցադրությունը` նվիրված «ժողովուրդների միասնության» խթանմանը:

Հավանայի հրապարակում «հավաքված» 140 արջերը` յուրաքանչյուրը 2 մետր բարձրությամբ, խորհրդանշում են հանդուրժողականություն և փոխըմբռնում ժողովուրդների, մշակույթների ու կրոնների միջև իրենց համաշխարհային շրջագայության ժամանակ: 

«Մենք պետք է ավելի լավ ճանաչենք միմյանց… այդժամ մենք կկարողանանք ավելի լավ հասկանալ միմյանց, ավելի շատ վստահել միմյանց և խաղաղ ապրել միասին», - ՄԱԿ-ի այս կարգախոսի ներքո է անցկացվում 140 արջի համաշխարհային շրջագայությունը: 

Արջերը` Բեռլինի խորհրդանշանները, որոնց մեջ կան հայկական, արգենտինական և այլ ազգերի ներկայացուցիչ արջեր, համերաշխության կոչ են անում մարդկանց: