Անգլիայում Իվ Սեն Լորանին նվիրված ցուցադրություն կբացվի (լուսանկարներ)

Իվ Սեն Լորանը կրկին գրավում է արվեստի ներկայացուցիչների ուշադրությունը. 2014-ին դիզայներին նվիրված 2 ֆիլմերից հետո Անգլիայում կբացվի նրա արվեստին նվիրված ցուցադրություն, գրում է buro247.ru-ն։

Դարեմ կոմսությունում գտնվող Bowes Museum-ը հայտարարել է, որ ցանկություն ունի իր պատերի ներսում հյուրընկալել հայտնի փարիզցի մոդելավորողի կյանքին և ստեղծագործունեությանը նվիրված ցուցադրությունը։ Այն կստեղծվի Պյեռ Բերժեի և Yves Saint Laurent Foundation-ի աջակցությամբ և կկոչվի Yves Saint Laurent: Style is Eternal։

Ապացույցներ ստանալ, որ իրական ոճը հավերժ է, կարելի է հուլիսի 11-ից՝ ցուցահանդեսի բացման օրը։ Բոլոր մանրամասները դեռ հայտնի չեն, սակայն պարզ է, որ կներկայացվի 50 զգեստ։