Վատիկանի Սրբերի միաբանությունը մտադիր է եկեղեցական դոկտորի կոչում շնորհել Գրիգոր Նարեկացուն

Վատիկանում ավարտվում է Սրբերի միաբանության ժողովը, որի ժամանակ անհրաժեշտ քայլեր են ձեռնարկվել Հռոմի պապի հայտարարության համար, որով նա կհայտնի, թե ով է ստանալու  Եկեղեցու նոր եկեղեցական դոկտորի կոչումը:

Այս մասին հայտնում է  Info Catolica կայքը` նշելով, որ Կաթոլիկ եկեղեցու այդ  կոչմանը, որը շնորհվում է վաստակավոր աստվածաբաններին,  արժանանալու է Հայ եկեղեցու վարդապետ Սուրբ Գրիգոր Նարեկացին: 10-րդ դարում ապրած  հայ վանականին կաթոլիկ աշխարհում  անվանում են հայերի Սան Ագուստին, իհարկե, ոչ թե նրա ստեղծագործությունների քանակի, այլ այն ազդեցության համար, որը դրանք թողել են հավատացյալների շրջանում:

Հայ եկեղեցու վարդապետը ծնվել է 950 թվականին` գրողների ընտանիքում`   Նարեկ փոքրիկ գյուղում:  Նրա մայրը մահացել է, երբ Նարեկացին դեռ մանուկ հասակում էր, իսկ հայրը` Խոսրովը, ով ավելի ուշ  արքեպիսկոպոս է դառնում, Գրիգորին  և նրա եղբորը` Հովհաննեսին, կրթության է տալիս կնոջ հորեղբոր` փիլիսոփա Անանիա Նարեկացու մոտ:

Նարեկավանքը, որտեղ 1003 թվականին վախճանվել է Նարեկացին, որպես կրոնական համայնք ավերվել է 20-րդ դարում` Հայոց ցեղասպանության ժամանակ` Թուրքիայում իշխանության գլուխ բարձրացած երիտթուրքերի կողմից: