Աշխարհի հնագույն խաղաքարտերը, որոնք մեզ են հասել 15-րդ դարից (լուսանկարներ)

Business Insider-ը ներկայացրել է աշխարհի հնագույն ամբողջական խաղաքարտերը, որոնք մեզ են հասել  15-րդ դարից և բավականին լավ վիճակում, սակայն գրեթե կորսված պատմության համար:

1983-ին նիդերլանդական խաղաքարտերի ամբողջական կապուկը` 52 խաղաքարտով, ձեռք է բերել Նյու Յորքի Արվեստի մետրոպոլիտեն թանգարանը:

Հնաոճ իրեր վաճառող ամստերդամցին խաղաքարտերը գնել էր 70-ականներին` 2800 դոլարով: Դրանք համարվում էին յուրօրինակ Տարո խաղաքարտեր` ըստ փարիզյան աճուրդի տներից մեկի, որն էլ այն վաճառել էր հոլանդացուն, և որն այն թվագրում էր 16-րդ դարին:

Խաղաքարտերում պատկերված թագավորների ու թագուհիների կոշիկները, սանրվածքն ու հագուստը վկայում են, որ խաղաքարտերն ավելի հին են, քան ենթադրվում էր:

Ամստերդամի Գիտությունների և արվեստի կենտրոնական լաբորատորիան հաստատել է, որ խաղաքարտերը պատկանում են 15-րդ դարին (1466-1480): Նյույորքյան թանգարանն այն գնել էր 143 000 դոլարով: