Սթիվ Ջոբսի մասին նոր ֆիլմն արդեն անվանում ունի

Apple ընկերության հիմնադիր Սթիվ Ջոբսի նախկին տանն արդեն սկսվել են նրա մասին նոր ֆիլմի նկարահանումների նախապատրաստական աշխատանքները։

Այժմ հայտնի է, որ նկարահանումները պաշտոնապես մեկնարկել են։ Ֆիլմի ռեժիսորն է բրիտանացի Դեն Բոյլը, իսկ Սթիվ Ջոբսի դերը կկատարի Մայքլ Ֆասբենդերը, գրում է filmpro.ru-ն։

Apple-ի հիմնադրի մասին նոր ֆիլմը վերջապես ստացել է նաև պաշտոնական անվանում՝ «Սթիվ Ջոբս», իսկ Universal ընկերությունը, որն այսօր արդեն պատասխանատու է նախագծի համար, հայտարարել է մյուս գլխավոր դերակատարների անունները. Սեթ Ռոգենը կկատարի ընկերության համահիմնադիր Սթիվ Վոզնյակի, Քեյթ Ուինսլեթը կկատարի Ջոանա Հոֆմանի, իսկ Ջեֆ Դենիելսը՝ ընկերության նախկին ղեկավար Ջոն Սքալիի դերը։