Եղանակն՝ այսօր
«Հարի Փոթերից» Հագրիդի դերակատարը շտապ հոսպիտալացվել է
Հարի Փոթերի մասին ֆիլմերում Հագրիդի դերակատար Ռոբի Քոլթրեյնն այսօր հոսպիտալացվել է՝ Լոնդոնից Օռլանդո մեկնելուց հետո, գրում է korrespondent.net-ը:
Դերասանի ինքնազգացողությունը վատացել է թռիչքի ժամանակ: Վայրէջքից հետո Քոլթրեյնին օդանավակայանի մուտքի մոտ շտապօգնության մեքենա է սպասել, որը նրան տեղափոխել է հիվանդանոց: Նախնական տվյալներով՝ դերասանը հոսպիտալացվել է սուր վիրուսային հիվանդության ախտանիշներով:
Ռոբի Քոլթրեյնն Օռլանդո է մեկնել «Հարի Փոթեր» ֆիլմին նվիրված համաժողովին մասնակցելու նպատակով: Դամբլդորի դերակատար Մայքլ Գեմբոնը թռչել է նույն չվերթով:
Սակայն, Twitter-ի օգտատերերի շրջանում հայտնվել է ականատես, ով իբր տեսել է Քոլթրեյնին Լոնդոնի օդանավակայանում: Նա վստահեցնում է, որ դերասանը հարբած է եղել, ինչը կարող էր առողջական վիճակի կտրուկ վատացման պատճառ դառնալ:
Studio One