Հայաստանի «Նոր անունները» Իսպանիայում հանդես են եկել Ցեղասպանության զոհերի հիշատակին նվիրված համերգով

Իսպանիայի Պինտո քաղաքում (Մադրիդի ինքնավար մարզ) անցկացվող համերգային ծրագրերի  շրջանակում ելույթով հանդես են եկել Հայաստանի «Նոր անունների» պատանի երաժիշտ-կատարողները:

Ինչպես հայտնում է Valde-moro պարբերականը` համերգը կայացել է «Մադրիդի հայեր» ասոցիացիայի և Մշակույթի վարչության համատեղ ջանքերով: Հայ պատանիները ելույթ են ունեցել հունվարի 30-ին և փետրվարի 1-ին:

Հայ պատանիների համերգը նվիրվել է 1915-ին Օսմանյան կայսրության տարածքում տեղի ունեցած Հայոց ցեղասպանության զոհերի հիշատակին:

Պինտոյի քաղաքապետ Միրիամ Ռաբանեդան  շնորհավորել  է երիտասարդ կատարողներին և նրանց մաեստրոներին՝ մատուցված որակյալ երաժշտության համար: