Ճապոնացի բանակայինները 3500 տոննա ձյունից կերտել են «Աստղային պատերազմների» հերոսների հսկա քանդակները (լուսանկարներ)
«Աստղային պատերազմներ» ֆիլմի երկրպագուները Ճապոնիայում ստեղծել են ֆիլմի հերոսներին նվիրված արվեստի յուրատեսակ գործերից մեկը:
Ինչպես գրում է Boredpanda.com-ը` Ճապոնիայի ինքնապաշտպանության ցամաքային ուժերի 11-րդ բրիգադի ծառայողները բուլդոզերների օգնությամբ 3500 տոննա ձյուն են տեղափոխել, որից այնուհետև 23 մետր լայնությամբ և 15 մետր բարձրությամբ հսկայական հուշարձան են պատրաստել: «Սառցե հերոսներն» են Դարթ Վեյդերը և նրա կայսերական զինվորները: Այս ինքնատիպ արձանները ճապոնացիները կերտել են 66-րդ ամենամյա ձյունե փառատոնի շրջանակներում:






















