Եղանակն՝ այսօր
Ո'չ թե Հայաստանը, այլ` Թուրքիան կարող է Արարատ լեռը` որպես ՅՈՒՆԵՍԿՕ-ի ոչ նյութական կամ մշակութային արժեք գրանցելու հայտ ներկայացնել. Վ. Կաժոյան
Համաձայն ՅՈՒՆԵՍԿՕ-ի կանոնադրության` ո'չ թե Հայաստանը, այլ` Թուրքիան կարող է Արարատ լեռը` որպես ՅՈՒՆԵՍԿՕ-ի ոչ նյութական կամ մշակութային արժեք գրանցելու հայտ ներկայացնել:Այս մասին Tert.am –ին ասաց Հայաստանի՝ ՅՈՒՆՍԿՕ-ի ազգային հանձնաժողովի գլխավոր քարտուղար Վահրամ Կաժոյանը՝ անդրադառնալով «Ժառանգութուն» խմբակցության պատգամավոր Զարուհի Փոստանջյանի առաջարկին:
«Մենք պատասխանել ենք, որ գրանցման համար երկու չափանիշ կա.նախ` Արարատը ոչ նյութական չէ, Արարատը կարող է գրանցվել ՅՈՒՆԵՍԿՕ-ի համաշխարհային ժառանգության ցանկում, ինչպես այլ բնական հուշաձաններ՝ լեռներ, ջրվեժներ և այլն: Բայց համաձայն այդ կանոնադրության՝ յուրաքանչյուր երկիր կարող է ներկայացնել իր տարածքում գտնվող հուշարձանների, իր տարածքում գործող մշակութային արժեքների գրանցման հայտ»,- ներկայացրեց Վահրամ Կաժոյանը:
Նա հստակեցրեց. «Այսինքն՝ Արարատը կարող է գրանցել Թուրքիան, և սա խնդիր է»:
Հիշեցնենք, որ ԱԺ նիստում Կառավարության հետ հարցուպատասխանի ժամին Զարուհի Փոստանջյանը մշակույթի նախարար Հասմիկ Պողոսյանին հարց ուղղեց Արարատ լեռը ՅՈՒՆԵՍԿՕ-ի կողմից մշակութային ժառանգություն ճանաչելու վերաբերյալ և ասաց, որ այս հարցի հետ կապված պատասխան ստացել է, բայց այն իրեն չի բավարարում:
«Երբ հռչակվեց համայն հայության հռչակագիրը, այս համատեքստում առավել ևս ՀՀ Կառավարությունը պետք է մեր իրավունքներին սատար կանգնի և հետապնդի այս հարցը»,-հայտարարեց Զարուհի Փոստանջյանը:
Studio One