Հայտնվել են Ջոնի Դեփի և Էմբեր Հերդի հարսանեկան առաջին լուսանկարները (լուսանկարներ)

Հոլիվուդյան դերասաններ Ջոնի Դեփը և Էմբեր Հերդն օրերս պսակադրվել են Լոս Անջելեսում՝ Դեփի տանը։ Սակայն հանդիսավոր արարողությունը զույգը որոշել է անցկացնել անցած հանգստյան օրերին՝ Բահամյան կղզիներում, գրում է Обозреватель-ը։

Հյուրերին նորապսակները հրավիրել են 51-ամյա դերասանի անձնական կղզի, որտեղ էլ նախատեսված էր անցկացնել արարողությունը։ Հայտնի էր նաև, որ 28-ամյա դերասանուհին ընտրել է հարսանեկան զգեստ Սթելա Մաքքարթնիից։

Եվ ահա համացանցում հայտնվել են հոլիվուդյան զույգի հարսանեկան արարողության առաջին լուսանկարները։ Դատելով նկարներից՝ հարսանիքին ներկա է եղել ամուսինների ամենամոտ շրջապատը, քանի որ լողափին տեղադրված է եղել ընդամենը 24 աթոռ հյուրերի համար։