«Գրեմմի» մրցանակաբաշխությունն այս տարի նվազագույն հանդիսատես է ունեցել (լուսանկարներ)

Ամերիկյան հեղինակավոր «Գրեմմի» երաժշտական 57-րդ մրցանակաբաշխությունը, որը կայացել է երեկ, այս տարի դիտել է 25.3 մլն մարդ, ինչը 2009թ. ի վեր համարվում է նվազագույն ցուցանիշ:

Ինչպես նշում է interfax.ru-ն, ի տարբերություն անցած տարիների՝ մրցանակաբաշխությունը հեռուստացույցով դիտած հանդիսատեսի թիվը կրճատվել է 11 տոկոսով:

Մինույն ժամանակ Billboard ամսագիրը նկատում է, որ 2015թ. «Գրեմմիին» հաջողվել է 5-րդ անգամ անընդմեջ հեռուստաէկրանների առաջ հավաքել 25 մլն-ից ավելի մարդ:

Հիշեցնենք, որ «Գրեմմիի» 57-րդ մրցանակաբաշխությունը կայացել է փետրվարի 9-ին` Լոս Անջելեսում: Երեկոյի ընթացքում առավել շատ մրցանակների է արժանացել բրիտանացի երգիչ Սեմ Սմիթը: