Նյու Յորքում Օսկար դե լա Ռենտայի պատվին փողոց կանվանակոչվի

Նյու Յորքի քաղաքապետ Բիլ դե Բլազիոն հայտարարել է, որ քաղաքի փողոցներից մեկը կանվանակոչվի Օսկար դե լա Ռենտայի պատվին։ «Նա ոլորտի հսկա էր։ Ոչ ոք արժանի չէ դրան ավելի, քան նա»,- ասել է քաղաքապետը, փոխանցում է buro247.ru-ն։

Քաղաքապետը չի նշել՝ հատկապես որ փողոցը, սակայն հայտնի է, որ 56 քաղաքային օբյեկտների և հանրային տարածքների անվանափոխությունների մասին հրամանագիրը ստորագրվել է դեռևս փետրվարի 5-ին։

Դա միակ միջոցառումը չէ, որը նվիրված է հանգուցյալ դիզայներին։ Քաղաքը կեռապատկի գումարը, որն ամեն տարի հատկացնում է Made in New York հիմնադրամին։ Այն ստեղծված է տեղական նորաձևության ոլորտին աջակցելու համար։ Այժմ հիմնադրամին կհատկացվի ոչ թե 5, այլ 15 մլն դոլար։

Քաղաքապետ Բլազիոն, հայտարարելով նորամուծությունների մասին, շնորհակալություն է հայտնել նորաձևության ոլորտին և բոլոր աշխատակիցներին, ովքեր ապահովում են քաղաքին 2 մլրդ դոլար հարկերով և 180.000 աշխատատեղով։