Ջեկի Չանի որդին ազատ է արձակվել բանտից

Աշխարհահռչակ դերասան Ջեկի Չանի 32-ամյա որդին՝ Ջեյսի Չանը, ազատ է արձակվել բանտից, հայտնում է Газета-ն՝ հղում անելով Reuters-ին։

Վեցամսյա ազատազրկումը հաշվարկվել էր՝ հաշվի առնելով նրա՝ հետաքննության ընթացքում կալանքի տակ գտնվելու ժամկետը։

Ջեյսի Չանը դատապարտվել էր 6-ամսյա ազատազրկման, երբ չինական ոստիկանությունը նրա տանը հայտնաբերել էր 100 գր մարիխուանա։ Երիտասարդը մեղադրվել էր թմրանյութերի անօրինական շրջանառության համար։

Դատական որոշումը կայացվել էր հունվարի 9-ին։ Բացի ազատազրկումից Չանին պարտավորեցրել են վճարել 322 դոլար տուգանք։