Դերասան Սերգեյ Բեզռուկովը 6 մլն ռուբլու հայցի շուրջ համաձայնության է եկել ВГТРК-ի հետ

Ռուս հայտնի դերասան Սերգեյ Բեզռուկովը խաղաղ համաձայնագիր է կնքել Համառուսական հեռուստառադիոընկերության` ВГТРК-ի հետ, տեղեկացնում է gazeta.ru-ն:

Դերասանը հրաժարվել է պատվի, արժանապատվության ու գործնական հեղինակության հայցի վերաբերյալ հետագա պահանջներից:

Դատավորը բավարարել է Բեզռուկովի ներկայացուցչի պահանջը՝ դատավարությունն այսուհետ փակ դռների հետևում անցկացնել:

Աղբյուրը մանրամասնում է, որ Բեզռուկովը ВГТРК-ից պահանջում է 6 մլն ռուբլու բարոյական փոխհատուցում` իր անձնական կյանք ներխուժելու համար:

Խոսքը, մասնավորապես, վերաբերում է 2014թ. նոյեմբերի 21-ին հեռարձակված «Ուղիղ եթեր» հաղորդմանը, որի ընթացքում օգտագործվել են դերասանի անձնական լուսանկարները:

Բեզռուկովի կարծիքով՝ հեռուստաալիքի նման պահվածքը խախտում է անձնական կյանքի անձեռնմխելիության իր իրավունքը: