Բրյուս Ուիլիսը հանդես կգա Բրոդվեյում

Հոլիվուդյան դերասան Բրյուս Ուիլիսը, ով այս ամիս կդառնա 60 տարեկան, առաջին անգամ հանդես կգա Բրոդվեյում։ Նա կմարմնավորի գրող Փոլ Շելդոնին Սթիվեն Քինգի «Միզերի» գրքի հիման վրա բեմադրված ներկայացման մեջ, հայտնում է ՏԱՍՍ գործակալությունը։

Իր դերասանական կարիերայի ամենասկզբում Ուիլիսը մի քանի տարի աշխատել է փոքր և քիչ հայտնի թատրոններում։ Այնուհետ տեղափոխվել է հեռուստատեսություն, որտեղ էլ կատարել է հիմնականում էպիզոդիկ կատակերգական դերեր։

Սակայն անսպասելիորեն նրան հրավիրել են Die Hard մարտաֆիլմում գլխավոր դեր կատարելու։ 1988-ին ֆիլմի թողարկումից հետո դերասանը համաշխարհային ճանաչում է ձեռք բերել։

Այժմ երկար տարիներ անց նա վերադառնում է թատրոն։ Սակայն այս անգամ՝ Բրոդվեյ։ Նրա խաղընկերը կլինի Էլիզաբեթ Մարվելը։ Բեմադրությամբ կզբաղվի բրիտանացի ռեժիսոր Ուիլ Ֆրիրզը։ Պրեմիերան նախատեսված է աշնանը։