Ուկրաինայում ևս 20 ռուսական ֆիլմ և սերիալ են արգելել

Կինոյի հարցերով Ուկրաինայի պետական գործակալությունն արգելել է ևս 20 ռուսական ֆիլմերի վարձույթը, գրում է Корреспондент-ը՝ հղում անելով գերատեսչության մամուլի ծառայությանը։

Որոշումը կայացվել է կինոֆիլմերի ցուցադրության և տարածման հարցերով փորձագիտական հանձնաժողովի խորհրդատվությունների հիման վրա։

«Ներկայացված ֆիլմերը («Химик», «Господа офицеры»,«Туман» և այլն) քարոզչական կինոյի կատարյալ օրինակներ են՝ դրա վատ իմաստով։ Մենք վստահ ենք, որ նման ֆիլմերը տեղ չունեն մեր էկրաններին»,- հայտարարել է Ուկրաինայի Պետկինոյի ղեկավար Ֆիլիպ Իլյենկոն։