Իտալացի դերասանուհի Օռնելա Մուտին նշում է 60-ամյակը (լուսանկարներ)

Իտալացի կինոդերասանուհի Օռնելա Մուտին (իրական անունը՝ Ֆրանչեսկա Ռոմանա Ռիվելլի) այսօր նշում է ծննդյան 60-ամյակը։ Կինոյում նա նկարահանվում է 15 տարեկանից։ Հիմնականում Մուտին նկարահանվել է իտալական ֆիլմերում, սակայն 1980-ին խաղացել է բրիտանական «Ֆլեշ Գորդոն» ֆանտաստիկ ֆիլմում, գրում է РИА Новости-ն։

Նա նկարահանվել է «Անսանձի սանձահարումը», «Խելագարի պես սիրահարվածը», «Սիրո երկար, երկար, երկար գիշերը» և այլ ֆիլմերում։

Օռնելա Մուտին ունի ռուսական արմատներ։ Նրա տատիկն ու պապիկն ապրել են Սանկտ Պետերբուրգում, եղել են կազակներ։

Դերասանուհին Կաննի միջազգային կինոփառատոնի մշտական հյուրն է ամեն տարի։

Մուտին ամուսնացած է եղել 2 անգամ։ 1998-ից դերասանուհին ապրում է պլաստիկ վիրաբույժ Ստեֆանո Պիկոլոյի հետ, ունի 2 դուստր և 1 որդի։

2008-ին Օռնելան թողարկել է իր զարդերի շարքը՝ խանութներ բացելով Հռոմում, Միլանում, Ռիգայում, Մոսկվայում և Ալմաթիում։