Բրյուս Ուիլիսը նկարահանվում է Երկրորդ համաշխարհայինի մասին պատմող չինական ֆիլմում

Հոլիվուդյան դերասան Բրյուս Ուիլիսը պատրաստվում է նկարահանվել Երկրորդ համաշխարհային պատերազմի մասին պատմող չինական ֆիլմում` «Ռմբակոծություն» վերնագրով:

Ինչպես տեղեկացնում է Газета.Ru-ն` The Hollywood Reporter-ին հղումով, Ցզյան Ֆենգի` 56 մլն բյուջե ունեցող  ֆիլմի հիմքում իրական իրադարձություններ են, ինչպես օրինակ` Ճապոնիայի կողմից Չինաստանի հարավ-արևմուտքում գտնվող  Չունցին քաղաքի ռմբակոծությունը:

Երկրորդ աշխարհամարտի ավարտի 70-ամյակին նվիրված ֆիլմը վարձույթում կհայտնվի հաջորդ տարի: Ռեժիսորի խոսքով` նկարհանումներն արդեն սկսվել են, և Ուիլիսն սկսել է աշխատել ֆիլմի հիմնական տեսարանների վրա: