Իդրիս Էլբան կնկարահանվի Պաուլո Կոելյոյի «Ալքիմիկոսը» վեպի էկրանավորման մեջ

Հոլիվուդյան դերասան Իդրիս Էլբան կկատարի գլխավոր դերը բրազիլացի գրող Պաուլո Կոելյոյի «Ալքիմիկոսը» վեպի էկրանավորման մեջ։ Ռեժիսորը կլինի Լոուրենս Ֆիշբորնը։ Հավանաբար նկարահանումները կսկսվեն 2016-ին, գրում է Лента-ն։

Էլբան կկատարի իսպանացի հովիվ Սանտյագոյի դերը, ով ապրում է Անդալուսիայում։ Մի անգամ նա երազ է տեսնում, որը ստիպում է նրան ճանապարհորդել դեպի եգիպտական բուրգերը՝ գանձեր գտնելու համար։

Էկրանավորման նախագիծը մշակվում է 2008-ից։ Ֆիշբորնի կինոընկերությունը ձեռք է բերել Կոելյոյի գրքի իրավունքները Warner Bros. ընկերությունից, որն էլ իր հերթին այն գնել է հեղինակից 1994-ին։