Երգիչ Վլադ Տոպալովն առաջարկություն է արել ընկերուհուն (լուսանկարներ)

Smash!! խմբի նախկին անդամ (2000-2006թթ), երգիչ Վլադ Տոպալովն ամուսնության առաջարկություն է արել իր 26-ամյա ընկերուհուն՝ Քսենիա Դանիլինային։ Նա նաև ադամանդապատ մատանի է նվիրել սիրելիին, գրում է Hello Magazine-ը։

Instagram-ի իր էջում ներբեռնված լուսանկարը Տոպալովը մակագրել է՝ «Այս օրն ընդմիշտ կհիշվի»։

Տոպալովի սիրավեպի մասին առաջին անգամ հայտնի է դարձել այս տարվա ձմռանը, որից հետո նա հրապարակել էր լուսանկար՝ սիրո խոստովանությամբ։

Դրանից հետո նրանք միևնույն դաջվածքն են արել իրենց ձեռքերին։ 

Քսենիայի մասին շատ քիչ բան է հայտնի։ Հայտնի է, որ նրա հայրը մեծահարուստ է, և նա սիրում է շքեղ հանգիստ անցկացնել արտասահմանում։

Իսկ թե երբ է տեղի ունենալու հարսանիքը՝ հայտնի չէ։