Եղանակն՝ այսօր
ՌԴ պաշտպանության նախարարը Բեզռուկովին առաջարկել է համատեղ թատերական նախագիծ ստեղծել
Ռուսաստանի պաշտպանության նախարար Սերգեյ Շոյգուն Մոսկվայի նահանգային թատրոնի ղեկավար Սերգեյ Բեզռուկովին առաջարկել է համատեղ նախագիծ ստեղծել։ Իր գաղափարը նա հայտնել է «Հանդիպումներ իրական մարդկանց հետ» շարքի բացման ընթացքում, գրում է Лента-ն։
«Կփորձենք ձեզ հետ միասին ինչ-որ բան անել մեր դրամատիկական թատրոններից մեկում։ Մենք շատ ունենք նման թատրոններ, կա վայր և թեմաներ խաղալու համար։ Դա հրավեր է»,- ասել է Շոյգուն։
Բանակի գեներալը շնորհակալություն է հայտնել դերասանին հանդիպումների շարքի բացման համար և նրան հանձնել հուշանվեր, որի վրա փորագրված է եղել՝ «Իսկական մարդ Սերգեյ Բեզռուկովին»։
Դերասանն իր հերթին հայտարարել է, որ դեռևս չգիտի՝ ինչ կերպ կիրականացվի տվյալ նախագիծը, միևնույն ժամանակ, նա նշել է, որ իրեն վստահված թատրոնի «լուրջ խաղացանկը» թույլ է տալիս սկսել համագործակցությունը։
«Պետք է տեսնել՝ ինչ բեմադրել, ում հետ բեմադրել։ Միգուցե, Մոսկվայի նահանգային թատրոնի ներկայացումով դուրս գալ Պաշտպանության նախարարության հարթակներ։ Դա լիովին հավանական է»,- ասել է Բեզռուկովը։
«Հանդիպումներ իրական մարդկանց հետ» շարքը ենթադրում է ամենամսյա ստեղծագործական երեկոներ, որոնց կմասնակցեն մշակույթի հայտնի գործիչներ։
Studio One