Թոմ Քրուզը կնկարահանվի հայտնի Top Gun ֆիլմի շարունակությունում. Hollywood Reporter

Սկսվել են ամերիկյան «Լավագույն հրաձիգը» (Top Gun, 1986) ֆիլմի շարունակության սցենարի գրման աշխատանքները։ Ֆիլմի պրոդյուսեր Դևիդ Էլիսոնն ակնարկել է, որ լեյտենանտ Փիթ Միտչելի դերը կրկին կկատարի Թոմ Քրուզը, գրում է ՏԱՍՍ գործակալությունը՝ Hollywood Reporter-ին հղումով։

«Ջասթին Մարքսն այժմ գրում է ֆիլմի սցենարը։ Նոր ֆիլմում կգործարկվեն անօդաչու թռչող սարքեր, նորագույն ռոբոտ-ինքնաթիռներ, 5-րդ սերնդի ինքնաթիռներ»,- նշել է Էլիսոնը։

Ֆիլմի շարունակությունը նկարահանելու մասին առաջին հաղորդագրությունները հայտնվել են 5 տարի առաջ։ Սակայն Paramount Pictures կինոընկերության խիստ լարված գրաֆիկի պատճառով նկարահանումներն անընդհատ հետաձգվել են։