Համալիրում տեղի ունեցավ Բեթ Հարթի մենահամերգը. աստղը բեմ դուրս եկավ հայկական խորհրդանիշ նռան կախազարդով

Երևանի Կարեն Դեմիրճյանի անվան մարզահամերգային համալիրում տեղի ունեցավ բլյուզի՝ համաշխարհային մեծության աստղ Բեթ Հարթի առաջին մենահամերգը։

Աստղը բեմ դուրս եկավ հայկական խորհրդանիշ նռան խոշոր կախազարդով և ողջույնի խոսքի ընթացքում ասաց, որ չափազանց հիացած է Հայաստանով, հայերի հյուրընկալությամբ ու ջերմությամբ։

Նա երդվեց, որ Հայաստանն իր այցելած լավագույն վայրն է՝ իր ասածը հաստատելով երկու-երեք անգամ խաչակնքվելով։

Ի դեպ երգչուհին «Leave the light on» երգի ավարտին չկարողացավ զսպել արցունքները՝ ասելով, որ հանդիսատեսը ստիպեց իրեն արտասվել:

Հայ հանդիսատեսի համար երևի թե ամենատպավորիչն այն էր, երբ Բեթը բեմ հրավիրեց երեք զինվորական երիտասարդի, ովքեր կատարեցին «Երևանի սիրուն աղջիկ» երգը, իսկ երգչուհին տանգո պարեց իր ամուսնու հետ:

Համերգի ավարտը ևս շատ հիշվող էր. քառասներեքամյա երգչուհին իր մենախոսության մեջ ասաց, որ կյանքում բազմաթիվ լավ ու վատ բաներ է արել, բայց Աստված այնուամենայնիվ սիրում է նրան, քանզի իր ամուսնու նման անձնավորություն է նվիրել՝ ձոնելով նրան «My California» երգը։

Համերգն ավարտվեց զույգի համբույրով: