Դերասանուհի Ամանդա Պետերսոնին մահացած են գտել իր տանը

Քառասուներեք տարեկանում կյանքից հեռացել է 1987թվականի «Չես կարող գնել իմ սերը» ֆիլմի աստղ Ամանդա Պետերսոնը: Նրա մարմինը հայտնաբերվել է Կոլորադոյի Գրիլի քաղաքում գտնվող իր տանը, գրում է The Daily Mail-ը:

Նրա հայրը պատմել է TMZ-ին, որ իրենք անհանգստացել են, երբ երկու օր լուր չեն ունեցել Ամանդայից: Մահվան պատճառը դեռ չի հայտարարվել, սակայն նրա հայրն ասել է, որ Ամանդան վերջին երկու տարիներին տառապել է մի շարք խնդիրներից, այդ թվում՝ թոքաբորբ, քնի ժամանակ շնչականգ:

Ամանդա Պետերսոնը մեծ ճանաչում է ձեռք բերել դեռահասների շրջանում «Չես կարող գնել իմ սերը» ֆիլմում իր դերակատարությունից հետո: 1994 թվականին նա հեռացել է Հոլիվուդից, այնուհետև ամուսնացել և երկու երեխա ունեցել: